Social Icons

Related Posts Plugin for WordPress, Blogger...

Saturday, June 30, 2012

एच अइ भी एड्स सम्बन्धी जनाचेतना जगाउने उद्देश्यले तयार पारिएको भिडियो


समाज मा महामारी को रुपमा फैलिदै गएको   HIV -AIDS ,   जो सुकै लाई पनि लाग्न सक्छ । एस बाट आफु पनि बचौ आफ्नो परिवार  लाई पनि ।   विशेषगरी वैदेशिक रोजगारीको निम्ति बाहिरी देश जाने चलायमान पुरुषबाट ग्रामीण भेगका महिलाहरु एचआईभी÷एड्सको दलदलमा फँस्ने गरेका छन  ।   एच अइ भी एड्स सम्बन्धी  जनाचेतना जगाउने उद्देश्यले तयार पारिएको यो भिडियो  अबस्य हेर्नुहोस । आफु पनि बचौ आरुलाई पनि आचाउ .





एड्स Acquired immune deficiency syndrome अथवा acquired immunodeficiency syndrome (AIDS) एउटा यस्तो लक्षण हो, जुन एउटा विषाणु (Virus) जस्लाई एच आइ भी भन्छनले गर्दा शरीरमा उत्पन्न हुन्छ।यो एक यौन सकर्मित रोग हो। जथाभावी यौनसम्पर्क राख्दा मानिसहरू यो रोगको सक्रमणमा पर्ने गर्दछन। तर यो रोग का भाइरसहरू सकर्मित ब्यक्ति बाट सकर्मणविहीण मानिसमा यौनसम्पर्कको माध्यमबाट मात्र नभइ निर्मलिकरण नगरिएका सिरिन्जको प्रयोगबाट , रयालबाट, शरीरका अंगहरू प्रत्यारोपन गर्दा, सक्रमित आमाले गर्भधारण गर्दा उक्त गर्भमा रहेको बच्चा समेतलाई सजिलै सर्न सक्दछ। हाम्रो शरीरमा एच‍‍'आइ'भी' पसेपछि सर्वप्रथम T-Lymphocyte cellमा आक्रमण गर्ने गर्दछ र त्यसपछि बिस्तारै उक्त भाइरस अन्य सेलहरूमा पनि प्रवेश गरि यसले शिररको रोगसँग लडने क्षमतालाई कमजोर बनाउदै लैजान्छ। यसरी शरीरको प्रतिरोधात्मक क्षमता कमजोर भएपछि मानिसको शरीरमा जुनसुकै रोगले सजिलै आक्रमण गर्न सक्दछ। यिनै बिभिन्न रोगहरूको लक्षणहरूको संगालोलाई नै एडस भनिन्छ।





के-कस्ता लक्षण देखा पर्छन् ?

एचआईभीको सन्दर्भमा भने कुरा केही फरक छ। संक्रमण हुनासाथ हल्का फ्लूजस्तो लक्षण देखिन सक्छ, तर कतिले यस्तो लक्षण थाहै नपाउन  सक्छन्। एचआईभी शरीरमा भए पनि वर्षौंसम्म कुनै लक्षण नदेखिन सक्छ। एचआईभीको संक्रमण भएर प्रतिरक्षा शक्ति क्षीण हुँदै गएपछि  विभिन्न रोग लागेर त्यसै अनुसारका लक्षण देखिएको अवस्था नै एड्स हो। सामान्यतः देखिने लक्षण ज्वरो आउनु, पखाला लाग्नु, वजन घट्नु  तथा कुपोषणका लक्षणहरू देखिनु, छालाका विभिन्न समस्या आउनु, मुख तथा घाँटीमा काई (सेतो), हर्पिस आउनु, दाँत वा गिजाका  समस्याहरू, खोकी वा स्वास फेर्न गाह्रो हुनु, चाँडै थकाइ लाग्नु वा कमजोरी हुनु आदि हुन्। याद गर्नुपर्ने कुरा के भने यी लक्षणहरू अन्य  कतिपय रोगमा  पनि देखिन्छन्। त्यसैले लक्षणकै आधारमा एड्स भए नभएको भन्न गाह्रै हुन्छ। 

Thursday, June 28, 2012

विद्यार्थीले गान्धी बन्ने प्रयास गर्नुहुँदैन

दाङ तुल्सीपुरको राप्ती विद्यामन्दिरबाट ८३ प्रतिशत अंक ल्याएर प्रवेशिका उत्तीर्ण गरेका  केशवराज पोख्रेल सँग कुराकानी



यो वर्ष एसएलसी उत्तीर्ण करिब २ लाख ७५ हजार विद्यार्थी प्लस टुमा भर्ना भैरहेका छन्। लगातार १० वर्षसम्म एकै किसिमको वातावरणमा अध्ययन गरेका विद्यार्थीहरू प्लस टु तथा क्याम्पसमा अध्ययन थाल्दा अल्मलिनुका साथै फरक अनुभव गर्छन्। विद्यालय र क्याम्पस जीवनमा केही तात्विक भिन्नता हुने भएकाले विद्यालयका राम्रा विद्यार्थी प्लस टुमा कमजोर हुने र विद्यालयका कमजोर विद्यार्थीले क्याम्पसमा राम्रो अंक ल्याएको पनि देखिन्छ। यस्तो समस्या आउनुका पछि विद्यालय र क्याम्पसबीच हुने अध्ययन एवं अध्यापनबीचको फरक नै हो। प्रवेशिका परीक्षा उत्तीर्ण भएपछि क्याम्पसको वातावरण कस्तो हुनुपर्छ, विद्यार्थीले कसरी अध्ययन गर्नुपर्छ, विद्यार्थीको आशा के हुन्छ, विद्यार्थीलाई क्याम्पसले कस्तो व्यवहार गर्नुपर्छ भन्ने विषयमा धेरै बहस हुन्छन्। यही बहसलाई अघि बढाउन  दुई वर्षअघि प्लस टु मा नेपाल टप भएका केशवराज पोख्रेलसँग कुराकानी गरेको थियो। दाङ तुल्सीपुरको राप्ती विद्यामन्दिरबाट ८३ प्रतिशत अंक ल्याएर प्रवेशिका उत्तीर्ण गरेका पोख्रेल पिनाकल एकेडेमीबाट ८८ दशमलव ८८ प्रतिशत अंकका साथ प्लस टुमा नेपाल टप भएका थिए। अहिले इलेक्ट्रोनिक इन्जिनियरिङ अध्ययन गरिरहेका पोख्रेलले इन्जिनियरिङ अध्ययन संस्थानले लिएको प्रवेश परीक्षामा पनि प्रथम स्थान हासिल गरेका थिए। उनको अध्ययनले इन्जिनियरिङमा पनि प्रथम स्थान हासिल गर्ने लक्षण देखाएको छ। 






  प्रत्येक वर्ष तपाईंले  परीक्षामा राम्रो अंक ल्याइरहनु भएको छ, यसको कारण के हो ?

 मानिस जति परिपक्व हुँदै गयो, उसमा विषयको ज्ञान बढ्दै जान्छ । बढेको ज्ञान परीक्षामा देखिन्छ । 


तर धेरैजसो विद्यार्थी विद्यालयमा राम्रो अंक ल्याउँछन्, तर क्याम्पसमा क्रमशः कमजोर हुँदै जान्छन्, किन ?

थोरै अंकले तलमाथि हुनु सामान्य हो । विभिन्न परिस्थितिका कारण एउटा विद्यार्थीले सधैं एउटै किसिमको परफरमेन्स दिन सक्दैन । यदि विशिष्ट विद्यार्थी प्रथम श्रेणीमा र प्रथम श्रेणीको विद्यार्थी दोस्रो श्रेणीमा झर्‍यो भनेचाहिँ चिन्ताको विषय हो । यदि कोही विद्यालयमा धेरै राम्रो थियो तर क्याम्पसमा तल र्झन थाल्यो भने त्यसमा क्याम्पस, अभिभावक एवं विद्यार्थीले एकसाथ त्यसको खोजी गर्नुपर्छ । किनभने यो विद्यार्थीको मात्र चिन्ताको विषय होइन । 


तपाईंको विचारमा के कारणले क्याम्पसमा विद्यार्थी कमजोर हुन्छन् ?

एउटा त स्कुलभन्दा क्याम्पसको वातावरण फरक हुन्छ । धेरैजसो विद्यार्थी गाउँबाट सहरका प्लस टु पढ्न आएका हुन्छन् । कतिपयको अंग्रेजी कमजोर हुन्छ । कतिपय गलत संगतमा लाग्छन् । कतिपय क्याम्पसले नै विद्यार्थीको क्षमता बढाउने उपाय अपनाउन सक्दैनन् । कतिपयले एसएलसी उत्तीर्ण भएपछि ठूलो काम गरियो भनेर मेहनत गर्न छाडिदिन्छन् । जुनसुकै कारण भए पनि राम्रो विद्यार्थीले कमजोर परफरमेन्स दिनु चिन्ताको विषय हो । 


तपाईंले विद्यालयको तुलनामा क्याम्पसमा राम्रो अंक ल्याउनु भएको छ, त्यसको कारण के हो ?

आठ कक्षासम्म मलाई पढाइको महत्त्व थाहा थिएन । एसएलसी नजिक आएपछि मात्र मैले यसलाई गम्भीर रूपमा लिएँ । एसएलसीमा सरको नोट र एउटा पुस्तक नै एउटा विषयका लागि पर्याप्त हुन्थ्यो । क्याम्पसमा एउटा नोट वा एउटा मात्र गाइडबाट विषयको गम्भीरतालाई बुझ्न सकिँदैन । त्यसैले अध्ययनको समय बढाउनुपर्छ । मैले विषयको गम्भीरताअनुसार अध्ययन गर्ने समय बढाएँ । आफूले नबुझेका कुरा कक्षा शिक्षकसँग बुझ्ने प्रयास गरें । यो प्रयास नै राम्रो अंक आउने कारण बन्यो । 


अहिले लाखौं विद्यार्थी प्लस टुमा भर्ना भएका छन् उनीहरूको समस्या के हुन सक्छ ?

धेरैजसो विद्यार्थीले प्ल टुमा भर्ना हुँदा देखेका सपना पूरा हुँदैनन् । एसएलसीमा थोरै पुस्तक, थोरै ज्ञान, सानो संसार हुन्छ, तर कल्पनाको संसार ठूलो हुन्छ । प्लस टुमा भर्ना हुँदा पाठ्यपुस्तक पनि धेरै हुन्छन् । विषय पनि गम्भीर हुन्छ । एकैपटक ठूलो भार बोक्नुपर्ने अवस्था आउँछ । यदि यो गम्भीरतालाई विद्यार्थीले बुझ्न सकेनन्, म त राम्रो विद्यार्थी हुँ भन्ने घमण्ड पाल्यो भने, क्याम्पसले पनि राम्रो अध्ययन गर्ने वातावरण दिन सकेन भने समस्या आउन सक्छ । 

राम्रो अंक ल्याउने लक्ष्य लिएका विद्यार्थी थोरै हुन्छन्, यस्ता विद्यार्थीलाई क्याम्पसका अन्य विद्यार्थीले र्‍याकिङ गर्ने, अध्ययनमा बाधा दिने आदि दुव्र्यवहार हुन्छ, यो समस्याबाट कसरी पार पाउने ?

राम्रा विद्यार्थीहरू अरूसँग संगतै गर्नुहुँदैन भन्ने सोच्छन् । संगत नगरेपछि अरूले र्‍याक गर्छन् । यदि उनीहरूसँग घुलमिल गर्ने हो भने अपमानित हुने अवस्था नै आउँदैन । वास्तवमा पढ्नु सामूहिक कार्य हो । टिमवर्कबिना राम्रो काम गर्न सकिँदैन । कमजोर विद्यार्थीसँग संगत गर्दा उनीहरूले धेरै कुरा सोध्छन् । उनीहरूलाई सिकाउँदा सिकाउँदै धेरै कुरा याद हुन्छ । संसारमा कोही पनि मानिस खराब हुन चाहँदैन । क्याम्पसले, अभिभावकले, शिक्षकहरूले उनीहरूलाई खराब हुन बाध्य बनाएका हुन् । यो आधुनिक जमानामा त्यस्तो धारणा पाल्नु हुँदैन । 



कमजोरसँग संगत गर्दा अरूको खराब आदत आफूमा सर्ने डर हुँदैन ? 

दक्षिण अपि|mकामा जतिखेर गान्धी ल पढ्दै थिए । उनको एउटा साथी मांसहार थियो । गान्धीलाई आफ्नो मिल्ने साथीले मासु खाएको मन परेन । उनले सुधार्ने योजना बनाए । उनीसँगै खाना खान थाले । तर त्यो साथीले मांसहारका बारेमा यति बयान गर्न थाल्यो कि उनी झन्डै मांसहारी भएका थिए । यदि कुनै विद्यार्थी खराब कुराको सहारा लिँदैछ भने साथीलाई सुधार्छु भनेर उसको ठेक्का लिनुहुँदैन । हाम्रो गान्धी बन्ने समय आउँछ अहिले गान्धीकै बाटो समाउँछु भन्नु मूर्खता हो ।  


क्याम्पस आएपछि कस्ता विद्यार्थी बिग्रन्छन् ?

जसको स्पष्ट लक्ष्य हुँदैन । जसले विद्यार्थी जीवनको महत्त्व बुझेको हुँदैनन् । विद्यार्थी बिग्रनुमा विद्यार्थीको भन्दा अभिभावक र क्याम्पस दोष हुन्छ । यदि अभिभावक र क्याम्पसले विद्यार्थीको मनोविज्ञानअनुसार यो समयको महत्त्व बुझाउने हो भने विद्यार्थी जानी-जानी बिग्रन चाहँदैन । बिग्रने उमेर भनेकै तीन-चार वर्ष हो । ब्याचलरमा पुगेपछि सबैलाई पढाइको महत्त्व थाहा भैसकेको हुन्छ । कक्षा १० देखि ब्याचलर नपुगेसम्म सबैले उसको क्रियाकलापमा ध्यान दिनुपर्छ । कतिपय विद्यार्थी फिजिक्स, अंग्रेजी र नेपाली विषयमा लापरबाही गरेर पनि बिग्रन्छन् । 


यो उमेरमा अरूको कुरा सुन्न मन लाग्दैन, कसरी सहि बाटोमा ल्याउने ?

आफूभन्दा ठूलाले दिएको अर्ति मन पर्दैन, तर साथीभाइको कुरा मन पर्छ । उनीहरूलाई सही बाटोमा ल्याउने भनेकै हामीजस्ता युवाले हो । उनीहरूको मनोविज्ञान हामीलाई थाहा हुन्छ । अभिभावक र क्याम्पसले हामीजस्ता विद्यार्थीको सहारा लिनुपर्छ । शनिबार मनोरञ्जनका लागि फ्रि छाडिदिनुपर्छ । विशेष गरी असल साथीको संगत गर्न प्रेरित गर्नुपर्छ । 


प्लस टु मा भर्ना भएका विद्यार्थीले के गर्नुहुन्छ, के हुँदैन ?

कम्प्युटर, सिनेमा जस्ता कुरामा चासो राख्नुपर्छ तर मेरो विषय के हो, त्यो विषयसँग म टाढा भैरहेको त छैन, भन्ने कुरामा ध्यान दिइरहनुपर्छ । आफ्ना शिक्षकलाई आफूतर्फ आकृष्ट गर्ने र शिक्षकबाट सधैं नयाँ कुरा लिने प्रयास गरिरहनुपर्छ । किनभने शिक्षकहरू पनि यस्तै विद्यार्थीलाई मन पराउँछन् । सबै साथीहरूसँग समानताको व्यवहार गर्नुपर्छ । सबैसँग विशेष खुबी हुन्छ, त्यो कुरा लिने प्रयास गर्नुपर्छ । 


प्लस टु अध्ययन गर्नेहरू मध्ये धेरै प्राइभेट कलेजमै भर्ना हुने गरेका छन्, प्ल टु विद्यार्थीको जीवन राम्रो बनाउन कलेजले के गर्नुपर्छ, के गर्नुहुँदैन ?

धेरैजसो प्लस टु कलेजले राम्रो भवन देखाएर विज्ञापन गरिरहेका हुन्छन् । प्लस टु भनेको भवन होइन, टिचिङ मेथड हो । कुन कलेजले विद्यार्थीलाई कति राम्रो मेथडले पढाइरहेको छ, सबै विद्यार्थीले एकनासले सिकिरहेका छन् कि छैनन् भन्ने कुरामा ध्यान पुर्‍याउनुपर्छ । पाँच वर्षअघि एउटा शिक्षकले जुन नोट लेखाउनु हुन्थ्यो, आज पनि त्यही नोट लेखाउने चलन छ । यो गलत कुरा हो । समयसँगै, विद्यार्थीको मनोविज्ञानसँगै पढाइको मेथड पनि परिवर्तन गर्नुपर्छ । 


धेरैजसो विद्यार्थी प्लस टु पछि विदेश जान्छन्, यसमा तपाईं के भन्नुहुन्छ ? 

म दाङबाट काठमाडौं आउँदा धेरै कुरा जान्दिनथेँ । काठमाडौंले मलाई धेरै कुरा सिकायो । यहाँका प्लस टु कलेज गाउँका भन्दा उत्कृष्ट छन् । त्यसैगरी प्लस टु पछि विदेश अध्ययन गर्न जानु म दाङबाट काठमाडौं आउनु जस्तै हो । मुख्य कुरा मैले आफ्नो अध्ययन पूरा गरेपछि देशका लागि केही गर्छु कि गर्दिन भन्ने हो । विद्यार्थीलाई मात्र होइन, गाउँका किसानलाई पनि विदेशमा कसरी खेती गरिन्छ भनेर देखाउने हो भने उनीहरूको प्रोडक्टिभिटीमै फरक पर्छ । जो जीवनमा केही गर्न चाहन्छ भने उसले संसार बुझ्नै पर्छ । 


त्यसो भए तपाईं पनि विदेश जाने ?

सबैजसो टपरहरू विदेशमै छन् । नेपालमा इलेक्टि्रकल इन्जिनियरिङको स्कोप मोबाइल कम्पनीहरूमा मात्र छ । म आफ्नो क्षमतालाई राम्रोसँग उपयोग गर्न चाहन्छु । त्यसका लागि मैले संसारकै इन्जिनियरहरूसँग प्रतिस्पर्धा गर्नुपर्छ ।

                                                                                            श्रोत  :  Ekantipur

बुलबुल : Episode - 148


शुभ समय, शुभ पल, शुभ क्षण,शुभ सन्ध्या, शुभ रात्री !!! रात्री बसाइ को यो अर्को नयाँ अंक मा केही रात्री गन्थनको
साथमा सुमधुर गजलहरु लिएर, सदा झैँ आज पनि प्रस्तोता अच्युत घिमिरे उपस्थित हुनुभएको छ ।

बुलबुल एउटा इरानी चरा हो । रात्रीको समयमा गाउँदै हिंड्‍ने यो चरा गजलको प्रतीक मानिन्छ । इरानदेखि नेपाल सम्मको यात्रा गरेकी बुलबुल, नेपालका लागि नौलो हैन । यो सर्वव्यापी छ । गजलका रागहरु जहाँ जहाँ अलापिन्छन्, त्यहीं त्यहीं यसको उपस्थिति रहन्छ ।

प्रेम, विरह, उत्साह, उमंग अनि थुप्रै मनका संवेगहरु बुलबुलले समेट्‍छ । बुलबुल सुन्न थालेपछि हामी सबै एउटा समूहमा समेटिन्छौं र बुलबुल भित्र आफैंले आफ्‍नो नाम दिन्छौं - बुलबुललियन । हामी यहाँ एकाकार भएर लाग्छौं, गजलको भावनात्मक सहवासमा । " एउटा प्रेमको बिरुवा हामी रोप्छौं.....युग युग सम्म लगाएर यो प्रीतलाई अमर गर्छौँ।"




कृष्ण धरावासीको झोला कथासंग्रहको धेरैले मन पराउनुभएको शीर्षकथा झोला



SHRUTI SAMBEG (श्रुति संवेग).....!!


कृष्ण धरावासीको झोला कथासंग्रहको धेरैले मन पराउनुभएको शीर्षकथा "झोला"
Click Here to Download
TulsipurOnline

Wednesday, June 20, 2012

रिलिजको पर्खाइमा राप्तीका युवाहरुको ‘भैहाल्छ नि’

ऐरावती समाचारदाता

 
नेपाली कथानक चलचित्र ‘भैहाल्छ नि’
दाङ, ९ माघ : फागुनको तेस्रो साताबाट देशभर रिलिजको तयारीमा रहेको नेपाली कथानक चलचित्र ‘भैहाल्छ नि’को निर्माण समूहमा राप्तीका युवाहरुको बर्चस्व रहेको छ । चलचित्रका प्रमुख दुई निर्मातामध्य एकजना दाङका नेपाल विद्यार्थी संघका युवा नेता रमेश पाण्डे हुन् । त्यसैगरी चलचित्रका २ नायकमध्य मुख्य पात्र दाङकै बिशाल पोख्रेल रहेका छन् ।
त्यसैगरी चलचित्रका दुईजना संगीतकारहरु पनि दाङकै रहेका छन् । दाङका सङ्गीतकारद्वय यादव योगी र गोबिन्दमधुर आचार्यले चलचित्र ‘भैहाल्छ नि’को सङ्गीत गरेका छन् । योगीले यसअघि चलचित्र ‘खबरदार’ र पछिल्लोपटक चलचित्र ‘दबदबा’मा सङ्गीत दिएका छन् । गोविन्दमधुर आचार्यले यसअघि ‘धर्तिपुत्र’मा सङ्गीत दिएका छन् । आचार्य पछिल्लो समयमा सुगम सङ्गीतमा चर्चित छन् । डिभोर्स नामक एल्बमका लागि अन्जु पन्तको स्वरमा रहेको ‘मर्छुृ बरु छटपटीमा ..’ बोलको गीतको संगीतले आचार्यको चर्चा बढेको हो ।

नेपाली कथानक चलचित्र ‘भैहाल्छ नि’
चलचित्र ‘भैहाल्छ नि’मा दाङका अर्का युवा पङ्कज शर्मा पनि कलाकारका रुपमा आएका छन् । पूर्णरूपमा हाँस्य तथा सन्पेन्स थ्रिलर चलचित्र भनिएको चलचित्र कलर्स मुभी एण्ड इन्टरटेन्मेन्टको प्रस्तुतिमा रहेको छ । रोल्पाका युवा एवं उदीयमान निर्देशक एमएस अग्रजले निर्देशन गरेको यो चलचित्रमा हरि हुमागाईंको छायाड्कन, दिनेश अधिकारीको नृत्यनिर्देशन तथा रोशन श्रेष्ठको द्वन्द्वनिर्देशन रहेको छ । चलचित्रमा दाङ घर भई राजधानीमा कार्यरत पत्रकार एवं चर्चित गीतकार लोकराज अधिकारीले पत्रकारकै भूमिकामा देखिएका छन् ।

नेपाली कथानक चलचित्र ‘भैहाल्छ नि’
पत्रकार अधिकारी यसै चलचित्रमार्फत् चलचित्रका सोलो गीतकारका रुपमा आएका छन् । अधिकारीले यसअघि प्रदर्शित ‘खबरदार’, ‘के यो माया हो’ चलचित्रमा पनि गीत लेखिसकेका छन् । प्रदर्शनको क्रममा रहेका चलचित्रहरु ‘पल्टन’, ‘दबदबा’, ’धर्तिपुत्र’, ’ब्ल्याकमेल’ ‘मंगोलियन फाइटर र ‘बाचा’मा पनि लोकराजले गीत लेखेका छन् । सुगम पोखरेल, अर्जुन पोखरेल, अशोक राई, यादव योगी, गोबिन्दमधुर, सूर्यमणि दयालु लगायतका सङ्गीतकारहरुसँग काम गरेका अधिकारीले सुगम सङ्गीतमा सन्तोष श्रेष्ठको सङ्गीत र अञ्जु पन्तको स्वरमा रहेको चर्चित आधुनिक गीत ‘तिमीले पराई ठाने पछि…’ बोलको गीतबाट सुगम सङ्गीतमा उत्कृष्ट गीतकारको बिन्ध्यबासिनी अवार्ड पाइसकेका छन् । चलचित्रमा रहेका ६ वटा गीतमा १० जना कलाकारको स्वरले सजिएको छ । जसमध्ये रेणु विष्ट, गोविन्दमधुर आचार्य र विपीन घिमिरे दाङकै गायकगायिका हुन् ।

नेपाली कथानक चलचित्र ‘भैहाल्छ नि’
                                                                                       news from Airawati

Tuesday, June 19, 2012

""संसार को सबै भन्दा डर लाग्दो बाटो ""

""संसार को सबै भन्दा डर लाग्दो  बाटो  :-नेपाल  ""   :-   शिर्सक मा बिबिसी ले बनायको यो ड्कुमेन्ट्री ।  



                    World's Most Dangerous Roads - Nepal 

Monday, June 18, 2012

थारु भासा को फिल्म " मोअर बस्ति"

दाङ जिल्ला मा बसोबास गर्दै आयका थारु जाती हरु को फिल्म ""मोअर बस्ति  "" 



Part 1


                                           part 2

सिडिओलाई राउटेको गुनासो

प्रेमबहादुर राम्जा     news via: Ganantra daily
दाङ, असार ३ । राउटे समुदायका मुखियामध्येका एक मुखिया सूर्यनारायण शाही आइतबार समुदायका दुःखहरु बिसाउन जिल्ला प्रशासन कार्यालय दाङमा आएका थिए । दाङको बसाइमा आफूहरु धेरै दुःख, कष्ट पाएको भन्दै आफू गुनासो सुनाउन घोराही आएको सूर्यनारायणले बताएका छन् । केही महिना यता उनीहरु तुलसीपुरमा बसोबास गर्र्दैछन् ।
राउटेका मुखिया सूर्यनारायणसहित समुदायका गुनासा पोख्न आएका थिए, अरु दुई मुखिया वीरबहादुर कल्याण र जीतबहादुर हमाल पनि । उनीहरु गत जेष्ठको अन्तिम सातामा सल्यानको कपुरकोटमा भएको घटनाको बारेमा जानकारी गराउनका लागि घोराही आएको बताएका छन् । दाङको तुलसीपुर नगरपालिकाको राम्री तथा सल्यानको धनवाङ गाविसको पाखापानीको सीमानामा बसोबास गर्र्दै आएका राउटेहरु सल्यानका केही उच्छृङ्खल व्यक्तिबाट दूव्र्यवहार भएको भन्दै गुनासो गर्न घोराहीमा आएको बताएका छन् ।
आइतबार दाङका प्रमुख जिल्ला अधिकारी मधुसुदन बुर्लाकोटीले कपुरकोटमा भएको घटनाको सत्यतथ्य घटनाको छानबिनका लागि सल्यानका प्रमुख जिल्ला अधिकारीबाट बुझ्ने कारवाहीका लागि समन्वय गर्ने बुर्लाकोटीले जानकारी दिनुभएको छ । राउटे मुखिया सूर्यनारायणले दिएको जानकारी अनुसार उनीहरुका केही सामान कपुरकोटमा जफत भएका छन् । जसका कारण उनीहरुलाई समस्या भएको छ । जिल्ला प्रशासन कार्यालयमा राउटेहरुले भेटमा आफ्नो वस्तीमा शान्ति सुरक्षाको व्यवस्था मिलाउन भन्दै ज्ञापन–पत्र बुझाएका थिए ।
उता कपुरकोट एफएमका स्टेसन म्यानेजर भीमबहादुर सेनले भने राउटेहरुले भनेको जस्तो घटना नभएको बताउनुभएको छ । उनीहरु बसाई सर्ने क्रममा कपुरकोटमा आफ्ना समान राखेको स्टेशन म्यानेजर सेनले जानकारी दिनुभएको छ । ‘उनीहरुलाई कसैले केही गरेको होइन । सानो विषयलाई ठूलो मात्र बनाइएको हो’–सेनको भनाइ छ । सेनले दिएको जानकारी अनुसार आइतबार नै उनीहरु सल्यानको गाडापानीमा बसाइका लागि गइसकेका छन् ।  उता कपुरकोटका स्थानीयवासीले राउटेहरुलाई कुनै दूव्र्यवहार नगरेको बताएका छन् । उनीहरुले गणतन्त्र पत्रिकामा फोन गरी उनीहरुलाई कुनै दूव्र्यवहार नगरेको बताएका हुन् ।

Friday, June 1, 2012

नारी माथी भएको आत्यचार

 भारतिय नायक आमिर खान ले एक टेलिभिजन शो सुरु गरेका छन ।   यहाँ यो भिडियो मा बिसेस उनले   नारी जाती माथी भएको आत्यचार को  बारेमा पर्दा फास गरेका छन ।  हामी सबै ले हेर्नु पर्ने र यो भिडियो बाट केहि सिक्नु   पर्छ र महिला माथी हुने हिन्सा को लागी आवाज  उठाउनु पर्छ ।